O Concello da Guarda, en colaboración con NOKO 360 sports consulting, a Deputación de Pontevedra e comunicades de montes de A Guarda e Camposancos, organiza o próximo 17 DE NOVEMBRO DE 2024 a XI edición do TRAIL DO TREGA A proba estará integrada na Pontevedra Trail League e constará de dúas distancias:
> Mini Trail 10km (+450 metros) LIMITE 250 PRAZAS
>Trail do Trega 18km (+900 metros) LIMITE 250 PRAZAS

A proba transcorrerá 100% polo monte Trega, un dos lugares máis visitados da xeografía galega A carreira non ten un desnivel significativo pero o cambio de terreo constante, a orografía, climatoloxía farán que sexa unha proba dura e para a que se necesita unha boa preparación. A organización habilitará 1 avituallamento no percorrido do Mini Trail e 2 no Gran Trail do Trega.

A inscrición á proba implica a total aceptación deste regulamento. O presente regulamento será de estrito cumprimento para todos os participantes do Trail do Trega.

Os participantes deberán respectar o medio no que se realiza a proba e manter limpo a contorna da mesma. Para iso deberán comer e beber SEN DEIXAR NINGÚN ENVASE FÓRA DOS RECIPIENTES habilitados para tal uso. O INCUMPRIMENTO DESTE PUNTO CARREXARÁ A DESCALIFICACIÓN INMEDIATA DO CORREDOR, podendo ser inhabilitado mediante un simple testemuño de calquera membro do equipo organizativo da Carreira.
A idade mínima de participación é de 16 anos cumpridos o mesmo día da proba, e non se permite a participación a ningún atleta con menos da devandita idade. Está prohibído ir acompañado doutras persoas que non sexan participantes inscritos na proba.
O corredor do Trail do Trega deberá levar o dorsal facilitado pola Organización en todo momento, nun lugar visible (parte pectoral dianteira) non podendo ser recortado, dobrado nin modificado. O INCUMPRIMENTO DESTE PUNTO, CARREXARÁ A DESCUALIFICACIÓN INMEDIATA DO CORREDOR.

O itinerario da carreira será sinalizado con cinta balizadora e señalética especîfica creada para a proba. O rutómetro da mesma é o publicado na páxina web oficial da carreira (www.traildotrega.com).
Calquera cambio ou modificación no mesmo farase público polos mesmos medios.
O percorrido non estará pechado ao tráfico, polo que os deportistas deberán extremar as precaucións e respectar o código de circulación viaria. Durante o transcurso da carreira, os participantes deberán FACER CASO aos MEMBROS DA ORGANIZACIÓN da proba en todo momento. O non cumprimento deste punto, implicará a descualificación inmediata. A proba estará controlada de modo electrónico mediante sistema de chip. Os participantes deberán portar o chip durante todo o percorrido, situándoo na zapatilla do corredor, xa que no caso contrario, as lecturas dos tempos non se realizasen correctamente.

A inscrición ao Trail do Trega iniciarase a partir do 5 de setembro de 2024 a través da páxina web da proba e finalizará o día 13 de novembro e os prezos de inscrición serán de:

Mini Trail 12km
14 euros ata o 24 setembro de 2024
16 euros do 25 de setembro o 10 de novembro de 2024
18 euros do 11 o 13 de novembro

Gran Trail do Trega 18km
18 euros ata o 24 setembro de 2024
20 euros do 25 de setembro o 10 de novembro de 2024
22 euros do 11 o 13 de novembro

. A inscrición á proba inclúe:
– Dereito de participación.
-Seguro de accidentes e agasallo especial
-Servizo médico.
-Avituallamiento nos puntos habilitados.

A entrega de dorsais o comunicaremos dias antes do evento

A organización poñerá a disposición de todos os participantes de avituallamientos repartidos en todo o percorrido onde poderán abastecerse de auga, isotónico, comida e froita, ademais doutros produtos postos pola organización. 

A organización poderá utilizar as imaxes, vídeos e son dos participantes durante a proba, incluíndo momentos previos e posteriores, desde a recollida de dorsais, entrega de premios e traslado dos participantes, para a promoción e difusión da proba sen ningún límite temporal para utilizalos.

Gran Trail do Trega 18km con 900m+
– Absoluto (masculino e feminino)
– Sénior (masculino e feminino)
– Veteranos 40 (masculino e feminino)
– Veteranos 50 (Masculino e Feminino)

Mini Trail do Trega 12km con 500m+

– Absoluto (masculino e femenino)
– Senior (masculino e femenino)
– Veteranos 40 (masculino e femenino) – Veteranos 50 (masculino e femenino).

Ademais, en ambas distancias, se entregará premio especial o mellor masculino e feminino dos empadroados de A GUARDA.

En caso de non poder celebrar a proba, as inscricións serán devoltas o 100%
En caso de non poder asistir o evento, se podrá modificar a inscrición a outra persoa sempre e cando se envíen os datos ata 10 dias antes da proba. A cancelación está permitida ata o 10 de novembro de 2024 e a devolución seria do 50% da cuota pagada.

A organización poñerá un servizo de gardarroupa para os participantes.

A participación na proba implica o coñecemento e a aceptación destas normas de carócter especial para co medio ambiente: – Unha parte da proba desenvólvese no interior de espazos protexidos que albergan unha flora e unha fauna sensible e vulnerable e na que os participantes deben actuar con coidado e responsabilidade.